Börn víðs vegar um heiminn sýna uppáhalds dótið sitt
Íslendingar eiga þátttakanda í þessu einstaka verkefni.


Ítalski ljósmyndarinn Gabriele Galimberti ferðaðist um heiminn árin 2012 og 2013. Á þessum tíma flakkaði hann á milli sófa til að sofa á, svokallað „couchsurfing“. Hann fékk þá hugmynd að ljósmynda börn sem tengdust stöðunum sem hann gisti á í þessari heimsreisu, en börnin myndaði hann með uppáhaldsdótinu sínu.
Afraksturinn er bókin Toy Series: Photos of Children from Around the World and Their Favorite Things. Í bókinni eru börn frá meira en fimmtíu löndum.
Í myndunum endurspeglast sú misskipting auðs og lífsgæða sem ríkir í heiminum, en Ísland á meira að segja þátttakanda í bókinni, hann Ragnar sem var þriggja ára þegar myndin var tekin. Meðal annarra landa sem Gabriele ferðaðist til eru Kína, Svíþjóð, Malaví, Bandaríkin og Haítí.
Hér fyrir neðan má sjá nokkrar myndir úr bókinni og við byrjum auðvitað á heimaslóðum. Fleiri myndir má sjá á heimasíðu Gabriele.