Samsæriskenningasmiðurinn Alex Jones hefur ollið gífurlegum usla, bæði á samfélagsmiðlum og hjá fyrrum eiginkonu sinni, vegna ummæla sem hann lét falla varðandi mannát á tímum COVID.

Jones rekur miðilinn InfoWars og sagði hann nýverið að hann myndi íhuga að borða nágranna sína ef samkomubönn og lokanir héldu áfram til lengdar. Hann segist eiga nægar birgðir af mat í ákveðinn tíma en ef þess eru þörf myndi hann ekki hika við að hugsa í öðrum lausnum ef hungrið kallar til sín, að þetta yrði fyrst og fremst gert til að dætur hans fengju næringu.

„Ég horfi stundum yfir til nágranna minna og hugsa: Mig langar að hengja þá og fljá þá… Ég mun gera það!“
segir Jones í innslaginu.

„Dætur mínar fá ekki að svelta í hel!“

Skömmu eftir útreið netverja ákvað Jones að fjarlægja innslagið alræmda. Fyrrverandi eiginkona hans til átta ára, Kelly Jones, birti á Twitter-síðu sinni viðbrögð sín við þessum orðum og fullyrti að maðurinn sé eigi við andlega erfiðleika að stríða.

Í einu tístinu segir Kelly að dómstólar þurfi að bregðast við þessu, enda séu ummælin ógeðfelld og ómannúðleg:

„Þarna lýsir fyrrverandi eiginmaður minn í ógeðfelldum smáatriðum hvernig hann hyggst drepa nágranna sína til að gefa börnum mínum að borða.“

 

Fyrir nokkrum árum lokaði samskiptamiðillinn Facebook fjórum síðum á vegum Jones. Í kjölfarið ákváðu Apple og Spotify að fjarlægja hlaðvarpsþætti Jones af veitum sínum.

Foreldrar barna sem skotin voru til bana í áðurnefndri Sandy Hook-skotárás lögsóttu Jones fyrir ærumeiðingar, en Jones hefur ítrekað haldið því fram að árásin, sem og önnur fjöldamorð í Bandaríkjunum, hafi verið sviðsett.