Fréttastöðin CNN 40 ára
Sendi í gær frá sér samantekt á nokkrum af helstu stórfréttum síðastliðinna 40 ára. Sjáið hana hér.
Skrifað af Bergi Ísleifssyni þann
Fréttamennirnir og hjónin Lois Hart og David Walker fluttu fyrstu fréttirnar í fyrstu útsendingu CNN 1. júní 1980.
Fréttastöðin CNN, sem er skammstöfun fyrir Cable News Network, er 40 ára um þesssar mundir en fyrsta fréttaútsendingin undir merkjum CNN fór í loftið 1. júní 1980.
Segja má að stöðin hafi brotið blað í sjónvarpssögunni á tvennan hátt. Annars vegar varð hún fyrsta sjónvarpsstöðin sem eingöngu sendi út fréttir og fréttatengt efni og hins vegar varð hún fyrsta sjónvarpsstöðin sem sendi út fréttir 24 klst. á sólarhring.
Undir venjulegum kringumstæðum hefði sjálfsagt verið fagnað í höfuðstöðvum CNN í Atlanta, Washington, New York og Los Angeles en vegna ástandsins í Bandaríkjunum, sem nú verður alvarlegra með hverri klukkustund, hefur upprifjunar- og umræðuþáttum um sögu stöðvarinnar verið frestað og fréttaflutningur af þróun mála í landinu settur í forgang.
Til upprifjunar var þó eftirfarandi myndband frumsýnt í gær en það inniheldur nokkrar af helstu stórfréttum CNN frá upphafi:
