Þátturinn Chapter 12: The Siege úr annarri stjörnustríðsþáttaröðinni The Mandalorian var frumsýndur á streymisveitunni Disney+ í síðustu viku.

Efni þáttarins hefur fallið í skuggann á aulalegum mistökum sem glöggir aðdáendur þáttanna tóku eftir og hafa gert stólpagrín að á samfélagsmiðlum.

Í kringum nítjándu mínútu má nefnilega sjá aðila sem er í harla óvenjulegum fatnaði á stjörnustríðsmælikvarða. Þessi aðili er nefnilega í gallabuxum og bol og líklegt að um sé að ræða starfsmann á plani sem stóð sig afskaplega illa við að halda sér utan ramma.

Eins og sjá má hér fyrir neðan hafa aðdáendur látið rækilega í sér heyra á Twitter um málið og bíða margir spenntir eftir baksögu um þennan gallabuxnaklædda huldumann: