Ég fann þessa uppskrift á vefsíðunni Olive Magazine en þessi réttur er tilvalinn þegar maður er í tímaþröng og hefur ekki hugmynd um hvað á að hafa í matinn. Njótið!

Pestó-lax

Hráefni:

4 laxaflök
4–6 msk. grænt pestó
3 msk. brauðrasp
3 msk. parmesan ostur, rifinn
ólífuolía
300 g strengjabaunir

Aðferð:

Hitið ofninn í 230°C. Setjið flökin í eldfast mót með roðið niður. Dreifið pestói yfir fiskinn. Blandið raspi og parmesan osti saman og stráið yfir pestóið. Drissið smá olíu yfir og bakið í 10 mínútur. Sjóðið baunirnar í 3 til 4 mínútur, hellið vatninu af og drissið smá olíu yfir þær. Saltið jafnvel og piprið. Berið allt fram saman.