Það er nánast óhjákvæmilegt að fjöldi rafmagnsbíla aukist til muna á næstu misserum. Þörfin fyrir innviði mun samhliða aukast verulega.

Að bjóða starfsmönnum og viðskiptavinum uppá möguleika til að hlaða rafbíla er í senn tækifæri til að axla ábyrgð í loftslagsmálum og styðja við ímynd sína í samfélaginu öllu.

Undirbúningur fyrir opnun Hleðslunnar hefur staðið yfir í nokkurn tíma. Leiðarljós verkefnisins hefur verið að bjóða vandaðar lausnir frá áreiðanlegum framleiðendum. Haft var samband við mikinn fjölda framleiðenda og er niðurstaðan sú að teknar hafa verið í sölu lausnir frá tveimur aðilum, Ratio Electric í Hollandi og Heidelberg í Þýskalandi. Hvor um sig býður vandaðar lausnir, þó með nokkuð ólíkum formerkjum.

Ratio Electric býður mikið úrval hleðslustöðva, allt frá einföldustu gerð upp í snjallstöðvar með virkri álagsstýringu fyrir allt að fjórar stöðvar pr. Úttak. Samkeppnishæfari lausn fyrir minni fjölbýli og fyrirtæki er vandfundin á markaðnum í dag.

Heidelberg býður svo eina stöð sem sannarlega má segja að sé ein sú glæsilegasta á markaðnum, bæði í útliti, efnisvali og gæðum.

Næst á dagskrá hjá Hleðslunni er að svipta hulunni af sannkallaðri snjalllausn þar sem fyrirtækjum og fjölbýlum bjóðast fjölmargir kostir í vali á búnaði, utanumhaldi og greiðslum fyrir notkun og smáforriti sem hægt er að gefa út með ímynd að eigin vali (white label).

Það eru því sannarlega spennandi tímar framundan.

Sjá nánar á hledslan.is