„Árið 2020 hefur svo sannarlega verið tímabil áfalla og óvæntra hörmunga í lífi okkar jarðarbúa. Haldið ykkur þó fast, því í október og nóvember er von á runu jarðskjálfta og veðurofsa sem mun ekki bara skapa vandamál í samgöngum og persónulegum samböndum heldur einnig í samskiptum þjóða á millum og þjóðarleiðtoga.“

Síðastliðna mánuði hafa margar plánetur verið í svokölluðum afturgír og í kjölfarið hafa mörg mál staðnað í lífi okkar allra. Við sjáum birtingarmynd þessa áhrifa einna ljósast í gegnum áhrifin sem Covid-19 hafa fært okkur en margir hafa þurft að meðhöndla erfiða stöðnun, óvissu og óþægilegar tafir en slík áhrif eru algeng undir áhrifum pláneta í afturgír – talandi nú ekki um þegar fleiri en 6 plánetur fara aftur á bak á sama tíma. Nú hafa þrjár mikilvægar plánetur loksins snúið framá við; Satúrnus í lok september, Júpiter um miðjan september og Plútó núna fyrstu daga októbermánaðar. Þetta mun skapa okkur meiri skýrleika og stefnu, öryggi, betri og áþreifanlegri framför og flæði, á einhverju tilteknu sviði í lífi hvers merkis.

Annað sem er mikilvægt að ræða sér í lagi hérna í upphafi að þann 22. september síðastliðinn fór Merkúr inní vogarmerkið þar sem hann mun halda við til nóvemberloka en yfirleitt er hann aðeins 3 vikur á ferð sinni í gegnum hvert merki. Hann fer á 13. október í afturgír og er að þessu sinni því rúmlega tvo mánuði í vogarmerkinu. Í vogarmerkinu lendir hann undir erfiðu úranusáhorfi en Úranus situr í hrútsmerkinu 180° frá voginni. Þetta er á margan hátt torfarið en fyrir suma erfiðara en aðra. Merkúr er pláneta miðlunar og afar næm fyrir óstöðugum áhrifum eins og þessum. Henni má líkja við kamelljón sem tekur á sig mynd síns nánasta umhverfis og sér í lagi plánetuáhorfa. Nú er Merkúr taugakerfið okkar, líðan, hugsun, samskipti, lungun, húðin, miðlun, fréttamiðlun, ferðalög og samgöngur svo eitthvað sé nefnt og mun þetta allt markast alvarlega undir þessari orku, en þá sér í lagi dagana 7-22. október því þá stoppar Merkúr, aðeins 2° frá þessu skaðlega áhorfi Úranusar. Dagana 7,8,20 og 21 er hann beint undir Úranus og þá er þessi orka í hámarki, þá má búast við óvæntum fréttum, jarðskjálftum (bæði í náttúrunni og innra með okkur), óþægilegum og sjokkerandi bréfum eða skilaboðum.

Í kortum einstaklinga með erfiðan Merkúr getur þetta leitt til taugaáfalls eða andlegs þrots, svo ég hvet alla til að sýna nærgætni á þessum tíma, farið sem gætilegast í öllum samskiptum og samgöngum, sér í lagi ef ferðast á erlendis til. Umfram allt sýnið umburðarlyndi og gæsku í samskiptum eins og frekast getur.

HRÚTUR

„Greed is not a financial issue. Its a heart issue.“
-Andy Stanley

Við flutning Rahu núna á tuttugasta september fór hann á afar kröftugan stað fyrir hrútinn en á þessum stað mun hann framkalla miklar tekjur, neyslu og/eða erlend áhrif í fjölskyldu. Rahu mun þó færa á disk hrútsins á þessum tíma fæðu- og neysluvenjur sem gætu verið honum síður en svo heilnæmar en óhófsemi Rahu gæti leitt þig kæri hrútur inní hvort tveggja græðgisát og fégræðgi. Rahu táknar óhreinindi og karmíska vinnu og mun skapa þörf til að borða annað hvort sérkennilega fæðu, unna fæðu eða fæðu með óheilnæmum aukaefnum eða hreinlega eitraða fæðu. Í verstu tilvikum gæti matareitrun gert vart við sig en fleira þarf þó að koma inní spilið svo það verði. Af hverju er ég að ræða þetta, jú svo þú megir hafa varann á og sért vakandi og meðvitaður um hegðun og hvatir svo þú megir sigra þær og yfirvinna. Þetta er átján mánaða tímabil og á þeim tíma er stefna sálarinnar að fínpússa og skoða dýpri hvatir í kringum neyslu og meðhöndlun fjármála.

September var sigursæll og kröftugur mánuður hjá hrútnum, kröfuharður vissulega og átakanlegur en þó sigursæll. Í október flyst orkan aftur inná við í uppbyggingu auðlinda og orku heldur en svipuð sigursæl orka kemur aftur í lok desember eða rétt í tíma fyrir nýja árið. Stuðningur og meðbyr eru gríðarlega mikil í korti hrútsins í október og nóvember og ég hvet þig eindregið til að taka af skarið með hvað eina sem vekur með þér vöxt og lífsgleði því heppnin sem umlykur líf þitt er með ólíkindum.

NAUT

„You can’t teach anybody anything, only make them realize the answers are already inside them.“
-Galileo Galilei

Satúrnus heldur hárri stöðu í korti þínu kæra naut og því þegar hann lamast að hluta og fer í hinn svokallaða afturgír skapast tafir á öllum meðbyr og framvindu (sérstaklega á framasviði). Satúrnus fór loksins framá við, undir lok september og því ættiru að sjá skemmtilega vakningu á flestum þínum málum í októbermánuði. Sameiginleg fjármál hafa sveiflast mikið síðustu þrjú misseri og verið uppspretta óstöðugleika í fjármálaflæði. Í september hefst hins vegar stutt en afar skemmtilegt tímabil tekjuflæði í gegnum sameiginlega sjóði, og þetta tímabil varir september, október og nóvember. Eftir nóvember kemur svo fljótlega skart stopp á þetta flæði svo farðu gætilega með þetta sem kemur inn á þessum tíma.

Rahu fluttist á rísandann hjá nautinu í september og færði vinnu nautsins á innra sjálfið, persónuleikann og heilsumál. Sveiflur verða í samböndum næstu 18 mánuði og aðstæður skapast sem krefjast þess að nautið mun verja tíma sínum í líkamlsega og andlega sjálfsskoðun og uppbyggingu.

TVÍBURI

„There is no better test of a mans integrity than his behavior when he’s wrong.“
-Marvin Williams

Rétt eins og meyjan, sem einnig er undir ráðum Merkúrs þá eru samskipti erfið í óktóber og nóvember. Til að skilja þetta betur er mikilvægt að skoða inngangsorðin í þessari spá þar sem ég fer inní dagsetningar í þessu samhengi. Merkúr er að fara í afturgír og þegar hann gerir það hægir hann á sér í nokkra daga og er staðsettur á sama gráðustað í viku eða meir – þessi gráðustaðsetning er að þessu sinni beint undir erfiðum Úranus sem skapar sár, sérkennileg, sjokkerandi, óþægileg, brengluð og mögulega áfallatengd samskipti. Þetta gæti verið samskipti við eldri bræður og/eða við eða varðandi börnin þín. Farðu gætilega á tímabilinu 7-22 október og haltu heilindum þínum til haga á þessum tíma því þau verða þinn mesti bandamaður.

Einhverskonar endalok eða aðskilnaður er að plaga þig þessa dagana, elsku tvíburi. Stoðirnar í lífi þínu eru veikburða og það nýja mögulega ekki farið að sýna sig nægilega vel. Sambönd við ráðgjafa eða kennara reynast þér vel, þó viss stjórnun sé enn til staðar. Áræðnir og kraftmiklir félagar og bræður sköpuðu sigurför með þér í september en þetta sýnir sig aftur eftir jól. Þangað til neyðist til að gíra niður. Mikil tekju uppskera í frama er að sýna sig til jóla, þetta geta verið einhvers konar bónusar eða bætur.

KRABBI

„Life´s most persistent and urgent question is, “What are you doing for others?”“
-Martin Luther King Jr.

Karmavinna þessa árs hjá krabbanum er úrlausn sameiginlegra fjármála (mögulega með viðskiptafélaga) og veikindi maka. Ríkuleg sjálfsafsala og þjónusta við aðra er það sem einkennir árið en fólk gæti því miður einnig krafist mikils af þér og þú gætir lent á einstaklingum í vinnu sem eru ósanngjarnir og erfiðir í umgengni. Umburðarlyndi og þolinmæði gagnvart náungann er það sem þú munt þurfa að beita fyrir þér.

Mikil orka og fjör einkennir krabbann í október og þetta sýnir hann í dugmiklum þrifum og skipulagi. Sólin rennur nú í gegnum meyjumerkið til miðs október og er þetta sá tími ársins þar sem maður sér fólk undirbúa fyrir veturinn og skipulag og hreinsun á hug og hjörtu fólks – sérstaklega hjá krabbanum, meyju og hrút. Afturför Mars orsakar krabbanum visst varnarleysi og endurskoðun í tengslum við atvinnumál en krabbinn þarf aðstoð sem stendur því miður á í oktober. Í nóvember fara málin að skýrast meir og stuðningur verður afgerandi. Þessi stuðningur gæti verið frá föður, kennara eða erlendis frá.

Í október lendir Venus í húsi andlits, tjáningar og útlits hjá krabbanum og þetta er tíminn þar sem krabbinn vaknar ljómandi fagur og skýnandi öllum til yndisauka. Að mála sig, snyrta, dressa upp og fegra verður hugaryndi krabbans í október en heimilið og nánustu vinir gætu einnig hlotið sömu athygli.

LJÓN

„Every heart sings a song, incomplete, until another heart whispers back. Those who wish to sing always find a song.“
-Plato

Í október er Venus ferðafélagi ljónsins. Venus miðlar fyrst og fremst hamingju til ljónsins en þar sem erfiður Merkúr liggur í Venusarmerki gæti þessi hamingja og rósrauða ára sveiflast dag frá degi. Samskipti í fjölskyldu og meðal vina verða óþægileg og brengluð á einhvern hátt. 16 óktóber fer Sólin sjálf, ráðandi pláneta ljónsins og hennar áhrifamestu áhrif inní vogina en skapast þá svokölluð parivartanayoga á milli hennar og Venus í fyrsta húsi. Þetta gæti orsakað óvænt og afar ánægjuleg samskipti, handavinnu og/eða ferðalög. Þriðja húsið er þemað í október en það er afar hreyfanlegt, samskiptaglatt og dugmikið hús. Táknar vinnusemi, dugnað, ferðalög, erfil, handavinnu, sköpun og skriftir. Þessir málaflokkar gætu tekið sér stórt sæti í lífi þínu, og á afar skemmtilegan og óvenjulegan máta sökum sterkar úranusáhrifa í þessari súpu.

Ástin og ástleitin samskipti eru þó undirstöðurnar og ættu að gera þér glaðan dag elsku ljón. Rahu hefur nú tekið sér sæti í húsi frama og er hann líklegur til að skjóta ljónsbörnunum öllum hátt upp á stjörnuhimininn næstu 18 mánuði svo haltu þér fast og njóttu ferðalagsins.

MEYJA

„Imagine yourself living in a space that only contains things that spark joy.“
-Marie Kondo

Meyjan er merki sem er undir ráðum Merkúrs. Merkúr eins og við vitum er undir áþján Úranusar í húsi fjölskyldu í október. Eitthvað verður um hrisstinga vegna sameiginlegra fjármála, óvæntra óvina eða feluleikja í októbermánuði, sér í lagi á dagsetningum tilteknum efst í þessum pistli 7,8,20 og 21 október. Venus lendir einnig í tólfta húsi og skapar erfiðan tíma fyrir sambönd í lífi meyjunnar, þetta hefur eitthvað með óheiðarleika eða feluleiki að gera en Mars er ennfremur staðsettur í húsi sambanda og gerir þetta heitara og átakanlegra en það þarf að vera.

Á öðrum nótum þá er Rahu nú kominn á vettvang stuðnings, lagaákvæða, ferðalaga og/eða æðri menntunnar og mun skapa þar ný verkefni tengd sérmenntun eða handleiðslu. Þar sem Satúrnus, Plútó og Júpiter verða allar sameinaðar í húsi menntunar eftir áramót er enn líklegra að einhvers konar menntun sé á borðinu fyrir meyjuna á næstu misserum.

Meyjan er viðkvæmt merki og er svæði sem tengist meltingunni sérstaklega, þetta gæti því verið tími þar sem þú upplifir truflanir meltingu sökum andlegs álags en mikilvægt verður að huga vel ró og góðu mataræði undir þessum áhrifum.

VOG

„Daring to set boundaries is about having the courage to love ourselves, even when we risk disappointing others.“
-Brene Brown

Undir síðustu daga septembermánaðar lenti Merkúr á rísanda vogarinnar. Merkúr verður þar sterkur þar til hann tekur sér stopp á þrettándanum og snýr sér við. Merkúr er kröftugur í húsi rísandans og fær þar svokallaðan stefnustyrk. Þetta ljáir voginni færni til heilbrigðrar og einlægrar tjáningar, húmors, léttleika, sjálfsskoðun og djúpa hugsun.

Merkúr lendir þó þarna beint undir andstæðu áhorfi Úranusar sem er jarðskjálftapláneta mikil og og getur ljáð óstöðugleika, titring, óvænt samskipti, brengluð eða bjöguð samskipti (hugsun), trufluð samskipti (hugsun) og óvænt ferðalög. Þar sem þessi samskipti lenda ekki bara á merki sambanda (vogin) heldur einnig á ási sambanda sýnir þetta sig í miklum hrisstingum í persónulegustu og nánustu samböndum vogarinnar.

Síðustu tvær vikur októbers kemur Sólin til liðs við Merkúr og við það færast þessi samskipti yfir á stóra hópa í kennslu eða félagsskap. Brengluð og óþægileg samskipti gætu gert vart við sig en nánir vinir eða meðlimir þessa hóps gætu átt erfitt með að sýna þínum eðlilegu mörkum virðingu. Mundu orð Brene Brown: „Daring to set boundaries is about having the courage to love ourselves, even when we risk disappointing others“.

Andleg óþægindi eru vís til að gera vart við sig af og á. Vogin er loftmerki og í eðli sér óstöðugt eins og vogaraflið sem er tákn vogarinnar gefur til kynna, stöðugleiki ætti því ávallt að vera í forgrunni lífsstíls vogarinnar þó hún í eðli sér eigi erfitt með slíkt. Á þessum tíma mæli ég með róandi og eldaðri fæðu, rótargrænmeti sér í lagi, heitum súpum, kertaljósi og nægu af heitu baði og hvíld, hvíld, hvíld.

SPORÐDREKI

„If you don’t have enemies, you don’t have a character.“
-Paul Newman

Ketu hefur tekið sér stöðu á rísanda sporðdrekans og færir honum verkefni fyrir næstu 18 mánuði. Gjafirnar sem fylgja eru ný og örvandi samskipti við erlenda aðila, nýjar leiðir til samskipta og samneytis og vinna með fólk.
Skemmtileg þensla einkennir fjölskyldulíf þessa dagana og nýir einstaklingar gætu gengið til liðs við hana á tímabilinu september til nóvemerloka. Þetta gætu verið barnsfæðingar, ný stjúpsystkin eða jafnvel gæludýr (í einstaka tilvikum).

Þensla sýnir sig einnig í tekjuflæði en þetta gæti einfaldlega þýtt stöðuhækkun. Sjálfsmynd blómstrar í kjölfarið og þér hlotnast verðmætar eignir (mögulega frá ömmum og öfum). Það er allavega töluverð þensla í gangi, sér í lagi hvað varðar gleði, hamingju, heilindi, tekjuflæði og eignir. Þér hlotnast á sama tíma falleg þekking, lestrarefni og fallegt útlit.

Þú geislar af sjálfsöryggi og heilindum og fólk tekur eftir þér hvar sem þú kemur. Kröftugir áhrifavaldar (mögulega eldri frændi/frænka) snúa vörn í sókn í frama og skapa einhvers konar tækifæri fyrir þig en markmiðasetning er ofarlega í huga fyrri hluta októbers. Seinni hluta október og byrjun nóv mun hins vegar einkennast af óvæntum útgjöldum í atvinnumálum. Farðu því gætilega með fjármuni og sjáðu hvað setur seinni hluta október.

BOGMAÐUR

„If you think adventure is dangerous, try routine, it is lethal.“
-Paul Coelho

Sólin tekur sér stöðu efst á sjóndeildarhringnum fyrir bogmanninn í október og í gegnum þessa björtu sólarorku rís orðstýr hans og frægðarsól. Stuðningur við frama eða uppbyggingu hans verður áberandi og rausnarleg fyrri hluta október og þetta mun skila sér í aukinni vinnu og svo auknum tekjum eftir miðjan mánuðinn.

Nú hefur Rahu einnig fært sig á atvinnuvettvang og rútínu og sendir feginsamlegt áhorf á hús tekna sem hefur legið lamað hjá bogmanninum síðustu vikur, þú verður glaður að sjá auknar tekjur renna í garð kæri bogmaður. Þessa breytingar hafa einnig í för með sér mikla þörf fyrir aukið skipulag og afköst í vinnu og hreinsunarvinna á öllum vígstöðum er farinn að hvísla að þér. Þetta vel þegna skipulag mun skapa þér svo bætt tekjuflæði og hraðari framvindu í daglegum athöfnum.

Í október kemur ástin þér til aðstoðar en þegar venus rennur um níunda húsið fyrir bogmann má gera ráð fyrir miklum almennum tekjustuðningi sem og stuðningi frá öllum konum, listsköpun og munaði. Láttu þér nú líða vel elsku bogmaður og taktu á móti þessum velvilja sem kemur í flóðbylgju allan októbermánuð.

STEINGEIT

„Vulnerability is not winning or losing. It is having the courage to show up when you can’t control the outcome.“
-Brene Brown

Steingeitur rísandi fæðast oft með mikið karma í farteskinu, en ljónsmerkið lendir á erfiðu áttunda húsi. Þær neyðast til að fara í gegnum mikla andleg hreinsun á lífsleiðinni, erfiða aðskilnaði og oft einhvers konar vinnu með fíknir og varnarleysi – sér í lagi á tíma sólarinnar (skv. Tímabilakerfi kortsins þíns). Þetta er eitt af því varnarleysi sem steingeitin fær virka aðstoð með októbermánuði – en mikil kærleiksaðstoð er til staðar til að heila viðkvæm og gömul sár. Satúrnus hefur loksins snúið sér við en í lok september fór hann loksins fram á við.

Þetta ætti að skapa betra tekjuflæði, meira jafnvægi, betri framsýn, sér í lagi hvað varðar vinnu, fjölskyldu, neysluvenjur, tekjur og sjálfsmynd. Júpiter heldur áfram að blessa tólfta húsið með góðum svefni, aðstoð við útgjöld, uppbyggingu andans og sálarinnar og djúpa andlega tengingu við æðri sviðin (annað hvort með kennara eða í gegnum drauma). Mikil handleiðsla er handan við það sýnilega og andlegur kennari birtist þér í draumum og hugleiðslu.

VATNSBERI

„My love for you is past the mind, beyond my heart and into my soul.“
-Boris Kodjoe

Ljónsmerkið situr í 180 gráðum frá vatnsberanum og skapar honum sterka þörf fyrir sambönd og samneyti við aðra en í október virðist þessari þörf fullnægt en þó smá togi í samblandi. Venus gerir sér leið um hús sambanda og skapar þér falleg, þægileg og líklega einnig rómantísk sambönd í október. Fólk laðast óvenjulega mikið að þér og þú gætir hafið rómantískt samband á þessum tíma ef þú ert á lausu.

Hvað sem öðru líður þá er afar mikið um þægindi í samskiptum og þessi áhrif gera það að verkum að allflestir sem þú hittir virðast mæta þér með velvilja og nærgætni. Kannski því frá þér streymir jafnvægi og hamingja. Sólin situr á erfiðu áttunda húsi í október og skapar einhverja feluleiki í tengslum við maka eða viðskiptafélaga rétt á meðan. Þetta gæti tengst breytingum en þegar breytingunum hefur lægt þá tekur við mikil birta, stuðningur og léttleiki í staðinn – þetta máttu eiga von á eftir miðjan mánuðinn. Venus verður þá kominn inní mitt ljónsmerkið og færir þér mikla ást og ástartengingar – í versta falli verður mikil nánd, samhljómur og kærleikur allt í kring. Með Júpiter í miklum styrk, einnig á vettvangi samband og vina geturðu átt von á yndislegum mánuði í ríkidæmi ástvina og velvilja.

Tekjur, áhrif og tengsli við áhrifaríka einstaklinga er einnig í miklum styrk, svo notaðu samböndin og byggðu upp öflugra tengslanet. Þú veist aldrei hvenær þú gætir þurft á því að halda í heimi tengsla og valda.

FISKUR

„The future belongs to those who believe in the beauty of their dreams.“
-Eleanor Roosevelt

Mars er pláneta sem ræður ekki bara tekjuflæði hjá fisknum heldur líka fjölskyldumálum, sjálfsmynd og neysluvenjum. Mars er nýlega farin í afturgír. Þetta þýðir að tekjuflæði og fjölskyldumál gætu verið í einhvers konar endurskoðun rétt á meðan en þetta ætti að leysast þegar Mars hefur framför sína að nýju, þann 14. nóvember næstkomandi. Október er tímabil töluverðs andlegs óróleika fyrir fiskinn, en þegar Mars leggst inná vettvang fisksins skapast mikil orka á sviði undirmeðvitundarinnar sem ekki nær alltaf að komast uppá yfirborðið. Mikilvægt verður fyrir fiskinn í október að hugleiða og finna líkamlega útrás fyrir innri hræringar, en yoga, hlaup eða tai chi eru tilvaldar leiðir til að ná þessu fram. Leyfðu þér einnig kæri fiskur að skrifa ef það hentar, en skrif eru góð leið til að draga fram það sem liggur ósagt hið innra.

Sólin ber afar djúpstæðan karmískan lærdóm fyrir fiskinn og staða Sólar hvers mánaðar lýsir sálarvinnu mikilvæg þroska og úrvinnslu. Þetta er vettvangur sambanda hjá fisknum fyrri hluta október en sameiginlegra fjármála seinni hluta október. Þetta gæti orsakað orkutog og valdabaráttu ekki bara við maka, heldur einnig mögulega hjá kúnnum eða vinnufélögum. Ef þú passar þig að losa um innri spennu með virkri sjálfsvinnu muntu leysa þetta með þinni sterku tilfinningagreind kæri fiskur og allir njóta góðs af.