Þessi kaka er svo fáránlega einföld en þessi blanda af appelsínum, hindberjum og pistasíuhnetum er gjörsamlega sturluð!

Þessi flaug út heima hjá mér og skiljanlega – hún er fersk, hún er góð, hún bætir, hún kætir.

Ég mæli með þessari köku þegar þið viljið gera vel við ykkur – hún bara klikkar ekki!

Pistasíu- og hindberjakaka

Kaka:

3/4 bolli hveiti
3/4 tsk lyftiduft
smá sjávarsalt
2 egg
1/3 bolli sykur
1 tsk vanilludropar
1/4 bolli ólífuolía
1 msk appelsínusafi
1 msk appelsínubörkur
1 bolli frosin hindber
1/3 bolli pistasíukjarnar (saxaðir)
1 msk sykur

Aðferð:

Hitið ofninn í 180°C og smyrjið ílangt brauðform. Blandið hveiti, lyftidufti og salti vel saman í skál. Blandið eggjum og 1/3 bolla af sykri vel saman í annarri skál. Blandið síðan vanilludropum, olíu, appelsínusafa og appelsínuberki vel saman við. Blandið hveitiblöndunni saman við eggjablönduna. Hellið deiginu í formið. Dreifið hindberjum og pistasíuhnetum yfir deigið og stráið 1 msk sykri ofan á. Bakið í 50-60 mínútur.

Síróp:

1 msk sykur
2 msk appelsínusafi

Aðferð:

Setjið sykur og safa í lítinn pott og látið sjóða. Hrærið þar til sykurinn hefur leysts upp og kælið sírópið.
Penslið kökuna með sírópinu þegar hún er nýkomin úr ofninum og leyfið henni að kólna.