Brjálæðislega góð berjabomba
Reyndu að standast þessa!
![](https://www.frettanetid.is/wp-content/uploads/2020/05/logo_blaka.png)
![](https://www.frettanetid.is/wp-content/uploads/2020/06/IMG_4073.jpg)
Sumarið er tíminn til að baka úr berjum! Hér er mjög einföld uppskrift að einstaklega fljótlegri köku sem allir ættu að geta töfrað fram á fallegum sumardegi. Þessi bomba er mjög fersk en líka dísæt og dásamleg.
Berjabomba
Hráefni – Berjablanda:
6 bollar blönduð ber (fersk eða frosin)
1/4 bolli sykur
1/4 bolli hveiti
1/4 tsk kanill
safi úr 1/2 sítrónu
Hráefni – Mulningur:
1 bolli haframjöl
1 bolli hveiti
1/2 bolli púðursykur
1/2 bolli sykur
1/4 tsk kanill
smá salt
115 g smjör
Leiðbeiningar
Berjablanda:
Hitið ofninn í 180°C og smyrjið meðalstórt eldfast mót. Blandið öllum hráefnunum varlega saman og setjið í mótið.
Mulningur:
Blandið haframjöli, hveiti, púðursykri, sykri, kanil og salti vel saman. Brytjið smjörið út í og vinnið það saman við þurrefnin þar til blandan líkist grófu mjöli. Dreifið mulninginum yfir berjablönduna og bakið í um eina klukkustund. Kælið í um það bil korter áður en þið berið berjabombuna fram. Ekki sakar að bjóða upp á hana með vanilluís eða þeyttum rjóma.
You must be logged in to post a comment.