Fjölgun á heimili Jennifer Aniston – „Hann stal hjarta mínu samstundis“
Nýjasti fjölskyldumeðlimurinn er ansi hreint krúttlegur.
Skrifað af Lilju Katrínu Gunnarsdóttur þann
Dýravinurinn Jennifer Aniston.
Leikkonan Jennifer Aniston er mikill dýravinur og hefur lagt sig fram við að taka að sér heimilislausa hunda í gegnum tíðina. Nú hefur nýr hundur bæst í hópinn á heimili leikkonunnar – hvolpurinn Lord Chesterfield.
Aniston birtir myndband af Lord Chesterfield á Instagram þar sem hann sést steinsofandi með bein í munninum.
„Hæ! Mig langar til að kynna nýjasta fjölskyldumeðliminn. Þetta er (mjög þreyttur) Lord Chesterfield. Hann stal hjarta mínu samstundis,“ skrifar Aniston við myndbandið.
Aniston á fyrir Schnauzer-blendinginn Clyde og hvíta bolabítinn Sophie. Clyde hefur til að mynda fengið að koma með henni í vinnuna eins og sjá má hér fyrir neðan:
Clyde hefur einnig hvatt Bandaríkjamenn til að kjósa:
Aniston átti þýska fjárhundinn Dolly með fyrrverandi eiginmanni sínum Justin Theroux, en Dolly dó í júlí í fyrra.
