Dagstimplar á matvælum segja ekki alltaf alla söguna og lenda sum matvæli of snemma í ruslinu þegar þau eiga í raun nóg eftir.

Þurrkað pasta

Óopnað, þurrkað pasta getur nánast enst að eilífu. Ef þú eldar það mörgum árum eftir að þú keyptir það getur bragðið hugsanlega dofnað eilítið en það kemur ekki að sök þegar því er blandað við dásamlegar sósur.

Þurrkaðar baunir eða baunir í dós

Þú getur geymt þess konar baunir svo árum skiptir í búrinu þínu. Þurrkaðar baunir þarf hins vegar að setja lengur í bleyti því eldri sem þær verða.

Edik

Sýrustigið í ediki er svo hátt að það virkar sem fullkomið rotvarnarefni. Edik getur því enst um ár og aldir.

Salt

Salt er í raun steintegund og dregur ekki til sín myglu og bakteríur. Því skemmist það seint. Afar seint.

Kjötálegg

Ef umbúðirnar eru óopnaðar getur kjötálegg enst í tvær til þrjár vikur eftir að það er keypt. Umbúðirnar halda loftinu frá kjötinu og hindrar því bakteríuvöxt.

Sítrusávextir

Þykkur börkurinn verndar sítrusávextina og tryggir að þeir endast í tvær til sex vikur. Það skal varast að neyta sítrusávaxta ef mygla er byrjuð að myndast á berkinum.

Vanilludropar

Alkóhólmagn í vanilludropum er frekar hátt og því geymast þeir mjög lengi. Bragð og lykt er hins vegar best fyrstu fimm ár eftir kaup. Geymið dropana á dimmum og þurrum stað og alls ekki geyma þá í ísskáp, jafnvel þó flaskan sé opin.