8 hlutir sem þú vissir ekki um Coca-Cola
Áhugaverð saga!
![](https://www.frettanetid.is/wp-content/uploads/2020/05/logo_blaka.png)
![](https://www.frettanetid.is/wp-content/uploads/2020/06/ea71f1b0-ae30-11e9-bf2c-15edac1e0cc1-1024x725.jpg)
Coca-Cola, eða kók, er einn vinsælasti drykkur heims og selst óheyrilega mikið magn af honum á hverjum degi. En hvaðan kemur kók og af hverju er drykkurinn svona ávanabindandi? Við kíktum á nokkrar staðreyndir um drykkinn sem þið vissuð hugsanlega ekki.
Staðgengill morfíns
Ofurstinn John Pemberton særðist í borgarstríðinu í Bandaríkjunum á árunum 1861 til 1865. Hann þróaði með sér morfínfíkn en í leit sinni að staðgöngulyfi sem innihéldi ekki ópíum þróaði hann frumgerðina af Coca-Cola. Það gerði hann í apóteki sínu í Georgíu.
![](https://www.frettanetid.is/wp-content/uploads/2020/06/7161847425_67f06067f2_b.jpg)
Áfengur í byrjun
Upprunaleg uppskrift að Coca-Cola frá árinu 1885. Sú hugmynd að blanda kókaíni við vín fæddist fyrst í Frakklandi í kringum árið 1860 og átti sá drykkur marga aðdáendur, þar á meðal Viktoríu drottningu, Thomas Edison og Ulysses S. Grant.
9 milligrömm af kókaíni
Nafnið Coca-Cola er dregið af tveimur aðalhráefnum drykkjarins; kókalaufinu og kólahnetunni. Úr kókalaufinu kom kókaín en koffínið úr hnetunni. Áfengið var tekið úr Coca-Cola árið 1886 og þá stóð kókaínið og koffínið eftir. Áætlað var að hvert glas af Coca-Cola innihéldi níu milligrömm af kókaíni, en í samanburði er um fimmtíu milligrömm af efninu í einni „línu“. Magn kókaíns í Coca-Cola var minnkað jafnt og þétt frá árinu 1903.
Leynileg uppskrift
Aðeins tveir starfsmenn vita nákvæmlega hvar uppskriftina er að finna, en hún er læst í hvelfingu í Atlanta. Þessir tveir starfsmenn mega aldrei ferðast saman, svo þeir láti ekki báðir lífið og uppskriftin týnist að eilífu.
![](https://www.frettanetid.is/wp-content/uploads/2020/06/71mLPtaL2HL._AC_SL1010_.jpg)
Múskat, kanill, kóríander…
Margar gamlar uppskriftir eru til að Coca-Cola og hugsanlega hægt að búa til keimlíkan drykk ef litið er til þeirra. Gamlar uppskriftir kveða til að mynda á um hráefni eins og appelsínur, kanil, sítrónur, kóríander, múskat, súraldin og vanillu.
Mín fyrsta dós
Frumgerð að Coca-Cola í dósum byrjaði í þróun árið 1955 og leit dagsins ljós á almennum markaði árið 1960.
![](https://www.frettanetid.is/wp-content/uploads/2020/06/coke-1024x695.jpg)
Manst’ekki eftir Tab?
Diet Coke var ekki fyrsti sykurlausi drykkurinn frá Coca-Cola heldur Tab. Tab kom á markað árið 1963 og eignaðist fljótt marga aðdáendur. Upprunalega vildu forsvarsmenn Coca-Cola ekki tengja Coca-Cola nafnið við sykurlausan drykk en þegar að þeir sáu hve vinsæll drykkurinn Diet Pepsi varð á sjöunda áratug síðustu aldar ákváðu þeir að setja Diet Coke á markað árið 1982.
![](https://www.frettanetid.is/wp-content/uploads/2020/06/tab-soda-today-main2-181018_2b94bc8c9a3764ddc2743fdd59f4980c-1024x512.jpg)
Fyrsti drykkurinn í geimnum
Coca-Cola var fyrsti gosdrykkurinn sem var drukkinn úti í geim þegar geimfarar í Challenger drukku afbrigði af Coca-Cola, sem heitir New Coke, árið 1985. Sex árum síðar var hefðbundið Coca-Cola sent út í geim. Þá var Diet Coke fyrsti sykurlausi gosdrykkurinn til að vera drukkinn út í geim árið 1995 af geimförunum í skutlunni Discovery.
You must be logged in to post a comment.