Falin perla í blokk í Breiðholtinu
Myndirnar segja meira en mörg orð.
![](https://www.frettanetid.is/wp-content/uploads/2023/02/liljakatrin_pipp.png)
![](https://www.frettanetid.is/wp-content/uploads/2021/01/1ac15f6c59ab6b7835f9f7d06f92bf86-large-1024x683.jpg)
Tæplega níutíu fermetra, fjögurra herbergja íbúð í Írabakka í Neðra-Breiðholti í Reykjavík er komin í sölu. Íbúðin er búin þremur svefnherbergjum og einu baðherbergi.
Írabakkablokkin vekur athygli vegfaranda í Breiðholti enda eldrauður litur einkennismerki hennar. Íbúðin sem nú er til sölu er á fyrstu hæð með stórum svölum til suðurs og norðurs.
![](https://www.frettanetid.is/wp-content/uploads/2021/01/c548d051aaa46733a4070d557b897de6-large.jpg)
Það má segja að um sé að ræða perlu í þessu vel skipulagða hverfi, en búið er að endurnýja allt í íbúðinni frá A til Ö.
![](https://www.frettanetid.is/wp-content/uploads/2021/01/2a1a68c6101688186fbe5cd89301bc37-large.jpg)
Íbúðinni fylgir geymsla í kjallara með glugga. Geymslan telur um sjö fermetra og hugsanlega hægt að leigja út sem vinnurými.
![](https://www.frettanetid.is/wp-content/uploads/2021/01/4548c6bb2e2b8a81b31b4c881ecbe8b1-large.jpg)
Bakkarnir í Breiðholti eru meðal þeirra hverfa í Reykjavík sem eru hvað best hönnuð en hverfið var hannað í anda The Garden City Movement sem var stofnuð af Ebenezar Howard á seinni hluta 18. aldar. Útgangspunktur þeirrar hreyfingar var að minnka mengun í hverfum með því að byggja þau í kringum græn og blómleg svæði.
![](https://www.frettanetid.is/wp-content/uploads/2021/01/6675d5e444cd58257dfe3b53c83bfdfa-large.jpg)
Höfundar skipulags Bakkahverfis voru arkitektinn Stefán Jónsson og landslagsarkitektinn Reynir Vilhjálmsson, en skipulagið var algjört nýmæli á Íslandi. Hver blokk myndar U utan um garð sem allar blokkir deila saman. Í miðju hverfisins var að finna allt til alls – skóla, leikskóla, leiksvæði, verslanir og ýmsa þjónustu. Bílaumferð á aðeins aðgang í hverfið úr vestri og því hægt að valsa um hverfið án þess að fara yfir fjölfarnar umferðar götur.
![](https://www.frettanetid.is/wp-content/uploads/2021/01/44c561a898f063cf3324f0abe39c96c5-large.jpg)
Skipulagið hefur haldið sér og þó að minna sé um verslanir og þjónustu innan kjarnans í Bakkahverfinu þá er örstuttur spölur í verslunarmiðstöðina Mjódd.
You must be logged in to post a comment.