Flugfreyja ljóstrar upp leyndarmálum – „Ekki drekka vatnið í flugvélum“
„Regla númer eitt - aldrei drekka vökva sem eru ekki í dós eða flösku.“
Skrifað af Lilju Katrínu Gunnarsdóttur þann
Kat Kamalani er þrítug flugfreyja sem hefur vakið mikla lukku á TikTok þar sem hún leyfir fylgjendum að skyggnast á bak við tjöldin í starfi sínu.
Nýtt myndband frá henni hefur farið sem eldur í sinu um internetið en það heitir einfaldlega: Ekki neyta þessara matvæla í flugvél.
„Regla númer eitt – aldrei drekka vökva sem eru ekki í dós eða flösku,“ segir hún í myndbandinu og bætir við að vatnstankarnir í flugvélum séu ógeðslegir því þeir séu aldrei þvegnir.
Hún bætir við að fæstir flugþjónar drekki kaffi eða te í flugvélum því drykkirnir séu blandaðir með vatninu úr vatnstönkunum. Einnig segir hún að kaffivélarnar séu eiginlega aldrei þvegnar. Auk þess séu kaffivélarnar við hliðina á salernunum sem Kamalani finnst ekki geðslegt.
Kamalani leggur til að farþegar í flugvélum drekki aðeins drykki úr dósum eða flöskum.
Þetta er alls engin ímyndun hjá Kamalani því rannsókn frá árinu 2019 rannsakaði drykkjarvatn hjá rúmlega tuttugu flugfélögum. Fékk vatnið einkunn frá 0 og upp í 5 en af tíu stórum flugfélögum í rannsókninni fékk drykkjarvatn sjö þeirra þrjá í einkunn eða lægra.
Myndband Kamalani má horfa á hér fyrir neðan:
@katkamalaniJust promise me you won’t 🤢 #flightattendantlife #travelhacks #traveler #cleaninghacks #influencers #foodhack
