Helgi Björnsson, tónlistarmaður og leikari með meiru, var valinn Borgarlistamaður Reykjavíkur árið 2020. Hátíðleg athöfn fór fram í Höfða í dag, þann 17. júní, og hlaut Helgi einnig riddarakross fyrir framlag til íslenskrar tónlistar og leiklistar.

Útnefn­ing­in sem um ræðir er heiður­sviður­kenn­ing til lista­manns sem með list­sköp­un sinni hef­ur skarað fram úr og markað sér­stök spor í ís­lensku list­a­lífi og sam­fé­lagi. Hjálm­ar Sveins­son formaður menn­ing­ar-, íþrótta- og tóm­stundaráðs gerði grein fyr­ir ein­huga vali ráðsins á Helga. Lista­mann­in­um var veitt­ur ágraf­inn steinn, heiðurs­skjal og viður­kenn­ing­ar­fé.

Þetta kem­ur fram í til­kynn­ingu frá Reykja­vík­ur­borg.

Margir fagna þessum áfanga á Helga á Facebook í dag

Hin íslenska fálkaorða

Við hátíðlega athöfn á Bessastöðum í dag, 17. júní 2020, sæmdi forseti Íslands fjórtán Íslendinga heiðursmerki hinnar íslensku fálkaorðu, þau eru.

Alma Möller landlæknir, Reykjavík, riddarakross fyrir störf í þágu
heilbrigðismála og framlag í baráttu við Covid-19 farsóttina

Anna Dóra Sæþórsdóttir prófessor, Kópavogi, riddarakross fyrir
kennslu og rannsóknir á vettvangi ferðamálafræði og útivistar

Bárður Hafsteinsson skipaverkfræðingur, Reykjavík, riddarakross fyrir
framlag til hönnunar fiskiskipa og íslensks sjávarútvegs

Einar Bollason fyrrverandi formaður KKÍ og stofnandi Íshesta,
Kópavogi, riddarakross fyrir framlag til íþrótta og störf á vettvangi
ferðaþjónustu

Ellý Katrín Guðmundsdóttir fyrrverandi borgarritari, Reykjavík,
riddarakross fyrir störf á opinberum vettvangi og framlag til
opinskárrar umræðu um Alzheimer sjúkdóminn

Helgi Björnsson leikari og tónlistarmaður, Reykjavík, riddarakross
fyrir framlag til íslenskrar tónlistar og leiklistar

Hildur Guðnadóttir tónskáld, Berlín, riddarakross fyrir framlag til
íslenskrar og alþjóðlegar tónlistar

Hulda Karen Daníelsdóttir kennari og formaður Þjóðræknisfélags
Íslendinga, Reykjavík, riddarakross fyrir frumkvæði á sviði
starfsþróunar við kennslu íslensku sem annars máls og framlag til
eflingar tengsla við afkomendur Íslendinga í Vesturheimi

Jón Kalman Stefánsson rithöfundur, Reykjavík, riddarakross fyrir
framlag til íslenskra bókmennta

Jón Sigurðsson fyrrverandi rektor, seðlabankastjóri og ráðherra,
Kópavogi, riddarakross fyrir störf í opinbera þágu

Sigrún Þuríður Geirsdóttir þroskaþjálfi, Mosfellsbæ, riddarakross fyrir
afrek á sviði sjósunds

Sigurborg Ingunn Einarsdóttir fyrrverandi hjúkrunarforstjóri og
ljósmóðir, Eskifirði, riddarakross fyrir framlag til heilbrigðisþjónustu í
heimabyggð

Víðir Reynisson yfirlögregluþjónn, Kópavogi, riddarakross fyrir störf í
þágu almannavarna og framlag í baráttu við Covid-19 farsóttina

Þórólfur Guðnason sóttvarnalæknir, Reykjavík, riddarakross fyrir störf
í þágu heilbrigðismála og framlag í baráttu við Covid-19 farsóttina

Fréttanetið óskar öllum innilega til hamingju með orðuna og Helga auðvitað fyrir.