Þetta eru hverfin sem verða án heits vatns í 30 klukkustundir
Lokað verður fyrir heitt vatn frá aðfaranótt 18. ágúst til morguns 19. ágúst í Hafnarfirði, hluta Garðabæjar, efri byggðum Kópavogs og Norðlingaholti í Reykjavík.
Skrifað af Guðmundi R. Einarssyni þann
Heitavatnslaust verður á hluta höfuðborgarsvæðisins frá klukkan 02:00 aðfaranótt 18. ágúst til klukkan 09:00 að morgni 19. ágúst vegna tengingar nýrrar stofnlagnar hitaveitunnar við Árbæ, Ártúnsholt. Þetta kemur fram í yfirlýsingu frá Veitum.
Nýja tengingu þarf við Suðuræð, eina af megin flutningsæðum hitaveitunnar á höfuðborgarsvæðinu.
„Með aukinni notkun á heitu vatni, m.a. vegna fjölgunar íbúa og þéttingu byggðar, hefur álag á jarðhitageyminn sem fæðir borholurnar á lághitasvæðunum aukist og við því verður að bregðast. Þessi framkvæmd er liður í því að tryggja að þessi mikilvægu lághitasvæði nýtast íbúum höfuðborgarsvæðisins til langrar framtíðar,“ segir í yfirlýsingunni.
Hér má finna kort af þeim svæðum sem verða heitavatnslaus:
Lokanir í Garðabær Hraun og Urriðaholt.
Lokanir í Garðabær Búðir og Lundir.
Lokanir í Kópavogi – Salir og Lindir.
Lokanir í Kópavogi – Vatnsendi.
Lokanir í Reykjavík – Norðlingaholt.
