Klifraði upp á gluggasyllu og vakti yfir móður sinni þar til hún lést úr COVID-19
Ungur maður bræðir hjörtu heimsbyggðarinnar.


Tæplega tíu þúsund tilvik af COVID-19 hafa verið greind í Palestínu. Meðal þeirra sem hafa látist úr sjúkdómnum þar í landi er móðir hins þrítuga Jihad Al-Suwaiti, Rasma Salama, en leið hans til að vaka yfir móður sinni á dánarbeðinu hefur vakið heimsathygli.
Jihad mátti ekki heimsækja móður sína á spítalanum þegar hún greindist með kórónuveiruna en þá tók ungi maðurinn til sinna ráða, klifraði upp á gluggasyllu fyrir utan herbergið þar sem móðir hans lá og vakti yfir henni þar til hún lést. Rasma var með hvítblæði og því í sérstökum áhættuhópi.

Rasma lést lést síðasta fimmtudag en Jihad vakti yfir henni hvernig einasta dag, að sögn starfsmanna sjúkrahússins.
„Hann eyddi nánast öllum deginum þarna og fylgdist með móður sinni í gegnum gluggann. Hann kom ekki niður á daginn fyrr en hann var fullviss um að móðir hans væri sofnuð.“
Fréttamiðillinn Jfranews segir frá þessari átakanlegu sögu, sem hefur snert heimsbyggðina og farið eins og eldur um sinu á samfélagsmiðlum.
You must be logged in to post a comment.