Óvæntur gestur í löggubíl
Sjáið myndbandið.
![](https://www.frettanetid.is/wp-content/uploads/2023/02/liljakatrin_pipp.png)
![](https://www.frettanetid.is/wp-content/uploads/2020/09/Screen-Shot-2020-09-08-at-9.02.03-AM.png)
Lögreglukona í Georgíu í Bandaríkjunum lenti í ansi spaugilegu atviki fyrir helgi.
Lögreglukonan var við störf og þurfti að afhenda pappíra á einkaheimili. Þessi lögreglukona skilur yfirleitt hurðina á bílnum eftir opna þegar hún gerir slíkt því hún hefur lent í því að þurfa að hlaupa undan grimmum hundum.
„Hún bjóst aldrei við eða leiddi hugann að því sem gæti gerst þennan dag,“ stendur við myndband af atvikinu sem lögreglan birtir á Facebook.
Eins og sést í myndbandinu laumaði geit sér inn í framsæti á lögreglubílnum og gæddi sér á pappírum lögreglukonunnar. Þegar að geitin yfirgaf loksins bifreiðina með skoltinn fullan af pappírum þá skallaði hún lögreglukonuna í hnén, með þeim afleiðingum að lögreglukonan datt kylliflöt á jörðina.
„Þó hún hafi fallið til jarðar þá slasaðist hún ekki í atvikinu. Við gátum öll hlegið aðeins að þessu og við vonum að þið gerið það líka,“ skrifar lögreglan.