Svona hefurðu aldrei grillað pylsur
Stundum þarf smá tilbreyting í lífið.
![](https://www.frettanetid.is/wp-content/uploads/2020/05/logo_blaka.png)
![](https://www.frettanetid.is/wp-content/uploads/2020/08/Screen-Shot-2020-08-26-at-9.31.06-AM-1024x554.png)
Sumir segja að pylsur séu þjóðarréttur Íslendinga og eflaust margir sem hafa skellt slíku lostæti á grillið í sumar.
Stundum þarf maður hins vegar smá tilbreytingu í lífið og ég er ein af þeim sem er ekkert sérstaklega hrifin af einni með öllu. Því varð ég ástfangin af þessari uppskrift frá Delish sem færir pylsuna upp á hærra plan.
Það má að sjálfsögðu nota hvaða pylsu sem er í þennan rétt, sem ég lofa ykkur að er æðislegur!
Pylsuspjót
Sósan:
1/4 bolli barbikjúsósa
1 1/2 msk tómatsósa
1 msk sojasósa
1 tsk hrísgrjónaedik
1/2 tsk chili krydd
Spjót:
Pylsur, skornar í bita
3 bollar ananas í bitum
1 rauð paprika, skorin í bita
1 græn paprika, skorin í bita
rauðlaukur, skorinn í bita
Aðferð:
Blandið öllum hráefnum í sósuna vel saman í meðalstórri skál. Hitið grillið og þræðið pylsubita, ananas og grænmeti upp á spjót. Penslið spjótin með sósunni og setjið á grillið. Passið að hafa grillið ekki of heitt. Snúið spjótunum á nokkurra mínútna fresti, þar til þau eru tilbúin, en það tekur um 6-8 mínútur. Gott er að pensla spjótin með restinni af sósunni þegar þeim er snúið.