Það sem hafa ber í huga við sölu á fasteign
Það er í mörg horn að líta þegar kemur að því að selja fasteign.

Gott er að byrja á að finna sér fasteignasala, velja einhvern sem er með góða reynslu og hefur tíma til að sinna þér og þinni eign. Þú sest svo niður með honum og gengur frá söluumboði og öðrum praktískum atriðum; hvernig sýningum og sölu á eigninni er háttað, opið hús, fasteignasali sýnir eignina, hvort eigendur séu á staðnum og svo framvegis.
Þegar þetta er komið þarf að fara yfir eignina og gera hana eins söluhæfa og mögulegt er, án mikils tilkostnaðar. Margt hefur verið nefnt í þessum efnum og hér áður fyrr var oft talað um að gott væri að hafa köku eða mat í ofninum til að fá þetta heimilsilega andrúmsloft. Var þetta sérstaklega nefnt í Ameríku. Undirritaður mælir hins vegar ekkert sérstaklega með bakstri fyrir hverja skoðun.
Í dag fer kynning á eigninni að mestu fram á netinu og eru því góðar myndir mikilvægar. Auðvitað þarf að meta það hverju sinni hversu djúpt þú vilt kynna eignina með myndum og texta. Þú vilt ekki að fólk taki ákvörðun um að koma ekki og skoða eignina út frá myndum og texta. Því er mikilvægt að finna þennan gullna meðalveg og reyna að fá fólk til að koma og skoða eignina. Flestar fasteignasölur nota fagljósmyndara til að taka myndir af eignunum. Áður en ljósmyndari kemur er gott að vera búinn að undirbúa eignina.
Undirbúningur fyrir myndatöku er gríðarlega mikilvægur. Gott að fjarlægja allt auka dót að utan; reiðhjól og jafnvel bíla af plani. Eignin þarf að vera hrein, björt og létta á henni ef þörf er á.
Skoðum þetta aðeins nánar:
Ég mæli með því að láta fasteignasala sýna eignina, bæði í sérskoðunum og í opnum húsum. Að þessu sögðu skora ég á ykkur að hafa sambandi ef þið hafið áhuga á að kaupa eða selja fasteign.

You must be logged in to post a comment.