Bein útsending frá skjálftasvæðinu
Hugsanlega eldgos í vændum. Hugsanlega ekki.
![](https://www.frettanetid.is/wp-content/uploads/2023/02/liljakatrin_pipp.png)
![](https://www.frettanetid.is/wp-content/uploads/2021/03/Screen-Shot-2021-03-03-at-7.58.26-PM.png)
Bæjarfjölmiðill Reykjanesbæjar, Víkurfréttir, heldur úti beinu streymi frá Keili og skjálftasvæðinu á Reykjanesi.
Jarðskjálftahrina síðustu daga hefur líklegast ekki farið framhjá neinum en í dag dró til tíðinda þegar að óróapúls hófst klukkan 14.20 suður af Keili við Litla-Hrút. Óróapúls eru litlir, vaxandi skjálftar með stuttu millibili. Slík merki mælast í aðdraganda eldgosa en eldgos er þó ekki hafið enn. Hugsanlega hefst það á næstu klukkutímum, hugsanlega ekki.
Því er um að gera að hafa kveikt á beinu streymi frá Víkurfréttum til að fá fréttir af skjálftasvæðinu beint í æð.
Streymið má sjá hér fyrir neðan: