Einfaldasti pastaréttur í heimi
Tilvalinn réttur þegar maður nennir ekki að elda.
![](https://www.frettanetid.is/wp-content/uploads/2020/05/logo_blaka.png)
![](https://www.frettanetid.is/wp-content/uploads/2020/09/IMG_0640-2.jpg)
Ég fann þessa uppskrift á síðunni Cheese Curd in Paradise og hún hefur aldrei brugðist mér. Tilvalinn réttur þegar maður nennir ómögulega að elda og tíminn er af skornum skammti.
Pasta pottréttur
Hráefni:
500 g farfalle pasta
500 g nautahakk
4½ bolli marinara-sósa eða tómat pastasósa
½ bolli ricotta ostur eða kotasæla
1½ bolli rifinn ostur
salt og pipar
Aðferð:
Sjóðið pastað samkvæmt leiðbeiningum á pakka. Hellið síðan vatninu af pastanu. Brúnið hakkið á pönnu. Bætið marinara-sósu, ricotta osti og ½ bolla af rifnum osti saman við hakkið og hrærið vel. Kryddið með salti og pipar eftir smekk. Lækkið hitann og blandið pastanum saman við hakkið. Hrærið varlega í blöndunni þar til allt er blandað saman. Drissið restinni af ostinum ofan á réttinn og leyfið ostinum að bráðna áður en þið berið fram.