Geggjaður helgarmatur sem krakkarnir dýrka
Þegar maður nennir ekki þrasi við matarborðið.


Stundum nennir maður ekki þrasi við matarborðið og þá er einfaldast að útbúa eitthvað sem allir geta sætt sig við – eins og þessar pítsu quesadillur. Uppskriftina fann ég á síðunni Pumpkin ´n Spice og hún hefur ekki valdið mér vonbrigðum hingað til!
Pítsu Quesadilla
Hráefni:
1 msk. smjör
2 stórar hveiti tortilla-kökur
2 msk. pítsasósa
¼ bolli rifinn ostur
10 pepperóní sneiðar
¼ tsk. ítalskt krydd
smá hvítlaukskrydd
Hráefni:
Bræðið smjör yfir meðalhita á stórri pönnu. Leggið tortilla-kökur á flatan borðflöt og dreifið pítsasósunni yfr aðra þeirra. Dreifið osti, pepperóní, ítölsku kryddi og hvítlaukskryddi yfir sósuna og lokið þessu með hinni tortilla-kökunni. Leggið „samlokuna“ varlega á pönnuna og steikið á hvorri hlið í 3 til 4 mínútur. Berið strax fram, hugsanlega með meiri pítsasósu.