Gjörsamlega gómsætt kvöldsnarl – Tilbúið á nokkrum mínútum
Hittir alltaf í mark!
![](https://www.frettanetid.is/wp-content/uploads/2020/05/logo_blaka.png)
![](https://www.frettanetid.is/wp-content/uploads/2020/06/Screen-Shot-2020-06-16-at-6.43.36-PM-1024x558.png)
Stundum rekst ég á uppskriftir á netinu sem ég fell algjörlega fyrir – þetta er ein af þeim. Þessa fann ég á matarvefnum Delish og hún gæti ekki verið einfaldari. Þetta kvöldsnarl hittir alltaf í mark, en hægt er að velja sykurlausa karamellusósu og sykurlaust súkkulaði til að gera þetta aðeins hollara.
Epli með karamellu og súkkulaði
Hráefni:
3 græn epli
1 bolli karamellusósa
1 bolli kókosflögur
½ bolli dökkt súkkulaði
3 msk smjör
Aðferð:
Skerið eplin í sneiðar og skerið miðjuna úr hverri sneið. Blandið karamellusósu og kókosflögum vel saman í skál og hellið blöndunni yfir hverja eplasneið. Blandið súkkulaði og smjöri saman í lítilli skál sem þolir örbylgjuofn. Bræðið í örbylgjuofni í þrjátíu sekúndur í senn og hrærið á milli þar til allt er bráðnað. Drissið yfir eplasneiðarnar og berið fram.