Heimapopup.is opnar á miðnætti 8. ágúst og er heimasíðan opin yfir helgina.
Á bakvið þessa síðu standa Sara Björk, Olga Helena og Eyrún Anna. Þær hafa haldið fjölmarga markaði undir nafninu POP markaðir sem hafa vakið mikla lukku.
Skrifað af Guðmundi R. Einarssyni þann
Vinkonurnar Olga, Eyrún og Sara. Mynd: Úr einkasafni
Planið var að vera með sumarmarkað fyrstu helgina í maí en þegar samkomubann, covid og allt skall á þá þurftum við að hugsa málið öðruvísi og færa markaðinn yfir á netið og þá varð Heima Pop up til. Það sló heldur betur í gegn. Fyrirtækin lögðu sig öll fram að auglýsa netmarkaðinn, betrumbæta heimasíður sínar og gera notendavænni og þægilegri netverslun. Það má segja að covid hafi ýtt á fyrirtæki að taka til á netinu og styrkja þannig netsölu í leiðinni.
Eftir fyrsta Heima pop up ákváðum við strax dagsetninguna 8. og 9. Ágúst og síðustu vikuna í júlí voru takmarkanir hertar og má segja að seinni bylgja covid skall á. Kostirnir eru margir að hafa netsölu á þessum tíma. Viðskiptavinir þurfa ekki að fara útúr húsi og geta slakað á heima í notalegheitum og verslað og fengið vörurnar sendar heim og að sjálfsögðu í leiðinni styrkt íslenska verslun.
Heima Pop Up verður stærsta heimapartý ársins þar sem fjöldi fyrirtækja koma saman og bjóða upp á ýmis tilboð, kaupauka eða eitthvað extra fyrir viðskiptavininn. Tilvalin viðburður á tímum samkomubanns. Á síðunni verða ýmsir flokkar sem gefur viðskiptavinum góða yfirsýn yfir verslanir og með því að ýta á vörumerki fyrirtækja lendir viðkomandi beint inn á vefsíðu fyrirtækisins.
Úrvalið er fjölbreytt og þægilegt að fara á eina yfirlitssíðu sem tilgreinir öll þau fyrirtæki sem bjóða eitthvað extra þessa helgina 8 og 9 ágúst.
Nú eru skráðar yfir 180 fjölbreyttar verslanir. Allur skalinn af verslunum, heimilisvörur, fatnaður, barnavörur, íþróttavörur, gjafavörur, lífstílsvörur, unaðsvörur, snyrtivörur, skartgripir, hönnun & handverk og margt fleira.
Viðburður er komin í loftið hér: https://www.facebook.com/events/219762849268151/
Sjá einnig
