Svona sérðu hvort egg eru skemmd eður ei
Engin fúlegg, takk!
![](https://www.frettanetid.is/wp-content/uploads/2020/05/logo_blaka.png)
![](https://www.frettanetid.is/wp-content/uploads/2020/06/pxfuel.com-30-1024x576.jpg)
Það er alveg glatað að sjóða eða brjóta egg og komast að því að það er skemmt, sérstaklega ef maður brýtur egg ofan í skál með alls kyns öðru góðgæti.
Það er til mjög einföld leið til að sjá hvort egg eru skemmd eður ei, en dagsstimpillinn á umbúðunum segir ekki alltaf alla söguna.
Eina sem þú þarft er skál eða glas sem þú fyllir með vatni. Síðan setur þú eggið varlega ofan í vatnið, en gott er að nota skeið til þess. Ef að eggið sekkur og liggur á hliðinni á botninum á glasinu eða skálinni er það mjög ferskt. Ef það sekkur en er upprétt og skoppar aðeins upp og niður er það ekki alveg jafn ferskt en samt allt í lagi. Ef það hins vegar flýtur er það ónýtt.
Til hamingju – nú lendir þú aldrei aftur í vandræðum með skemmd egg!