Þetta eru staðirnir þar sem þú getur eytt ferðagjöf stjórnvalda
5000 krónurnar er hægt að nota hjá yfir 4000 fyrirtækjum.
![](https://www.frettanetid.is/wp-content/uploads/2023/02/liljakatrin_pipp.png)
![](https://www.frettanetid.is/wp-content/uploads/2020/06/Screen-Shot-2020-06-22-at-9.33.46-AM.png)
Eins og frægt er orðið fær hver Íslendingur sem náð hefur 18 ára aldri ferðagjöf frá stjórnvöldum að verðmæti 5000 krónum. Er þetta liður í því að styrkja ferðaþjónustuna á erfiðum tímum COVID-19, þar sem fáir erlendir ferðamenn leggja nú leið sína til landsins.
Nú er hægt að sækja þessa ferðagjöf með því að skrá sig inn á island.is. Síðan er hentugast að sækja smáforritið Ferðagjöf til að nota 5000 krónurnar. Þá er annað hvort hægt að nýta ferðagjöfina sjálfur eða gefa hana til einhvers annars.
Inni á heimasíðunni ferdalag.is má sjá hvar hægt er að nota þessar 5000 krónur en yfir 4000 fyrirtæki eru á skrá sem viðtakendur rafræna gjafabréfsins.
Ferðagjöfina er til dæmis hægt að nota upp í gistingu á Hótel Sigló á Siglufirði, í Bjórböðunum á Árskógssandi, til að gera vel við sig í mat og drykk á Bjarnarhöfn Bistro í Stykkishólmi eða í ísklifur, kajakferð, hvalaskoðun eða golf.
Lista yfir allt sem hægt er að gera fyrir ferðagjöfina má sjá hér.