„Við erum bara rétt að byrja“
Fyrsta stiklan úr fjórðu seríu af The Handmaid’s Tale er rosaleg.
Skrifað af Lilju Katrínu Gunnarsdóttur þann
„Við erum bara rétt að byrja,“ segir aðalleikkonan Elisabeth Moss í fyrstu stiklunni úr fjórðu seríu af The Handmaid’s Tale, sem sýnd verður á efnisveitunni Hulu á næsta ári.
Í stiklunni, sem má horfa á hér fyrir neðan, heldur karakterinn sem Moss leikur, June, áfram byltingu sinni gegn einræðinu og hörmungunum í Gilead.
Sería 3 endaði á dramatískan hátt, þar sem áætlun June um að smygla ungum stúlkum til Kanada heppnaðist.
Seríurnar um The Handmaid’s Tale eru byggðar á samnefndri skáldsögu frá 1985 eftir Margaret Atwood, en þættirnir hafa farið sigurför um heiminn og unnið til fjölmargra verðlauna.