Er þjóðsagan sönn? Er í lagi að borða myglað brauð?
Mikilvægri og stórri spurningu svarað!
![](https://www.frettanetid.is/wp-content/uploads/2020/05/logo_blaka.png)
![](https://www.frettanetid.is/wp-content/uploads/2020/05/pxfuel.com-4-1024x683.jpg)
Það kannast eflaust margir Íslendingar við það að kvarta yfir því að þurfa að borða myglað brauð í uppvextinum og að foreldrarnir hafi tuggið það (já, þetta er orðagrín) ofan í börnin að smá mygla á brauði sakaði ekki neinn.
Tja, það er nú bara ekki rétt, ef marka má ráð á Leiðbeiningastöð heimilanna. Sorrí, allir foreldrar þarna úti.
Á vef Leiðbeiningastöð heimilanna stendur nefnilega eftirfarandi:
„Ef þú sérð myglublett á brauðsneið ætti alltaf að henda öllum pokanum. Myglusveppurinn gæti hafa breiðst út langt inní brauðsneiðarnar þó myglan sjáist ekki.“
Og það er meira:
„Þjóðsagan sem við mörg hver fengum að heyra sem krakkar um að myglan á brauðinu væri bara holl því það væri pensilín í henni, er því rakinn vitleysa!!“
Tvö upphrópunarmerki voru greinilega þörf til að hrekja þessa flökkusögu. Þar hafiði það!