„Daði – Þú varst rændur sigrinum“
Aðdáendur um heim allan endugera Eurovision-dansinn með kostulegum tilþrifum.
Skrifað af Lilju Katrínu Gunnarsdóttur þann
Eins og flestir vita var Eurovision-keppninni aflýst, en hún átti að fara fram í Rotterdam í Hollandi nú í maí. Daði Freyr og Gagnamagnið þóttu sigurstrangleg með lagið Think About Things og hefur lagið unnið í alls kyns Eurovision-tengdum keppnum sem blásið var til í sárabætur.
Sjá einnig:
Daði hefur nú efnt til danskeppni þar sem aðdáendum um heim allan gefst kostur á að endurgera dans Gagnamagnsins og merkja myndböndin sín með kassamerkinu #danceaboutthings. Daði og félagar taka ekki við innsendingum eftir daginn í dag og því fer hver að verða síðastur.
Þó hægt sé að senda Daða póst með myndbandi þá hafa margir deilt afrakstrinum á samfélagsmiðlum, eins og sjá má hér fyrir neðan. Myndböndin sum eru einfaldlega kostuleg og virðast flestir vera fullvissir um það að Think About Things hefði farið með sigur af hólmi í Rotterdam.
